Hitaas na nga panahon ang niagi
adlaw, udto ug matag gabie
apan dile masabtan ang gibati
ning dughan kong perme magpahipi.
Matag adlaw naw'ng nimo ang gipangita
ambot para naku asta man jud nimong gwapoha,
apan ang uban lahi ang panan-aw
ug ang gugma ko kanimo mahanaw.
Abi ba naku ug malimtan ra taka
pinaagi sa bag-o ug lahi nga hinigugma,
apan ako gayud napakyas
kay sa gibati ko ako dile makaikyas.
Kung ugani magtagbo kitang duha
sa walay duha-duha ako mutug-an na
na ning gugma kanimo nagmalaumon
ug dile diay mapapas bisan sa hitaas nga panahon.
No comments:
Post a Comment